...

တန်ဖိုးကြီးသောအရာများ

ဘဝမှာ တန်ဖိုးကြီးတဲ့အရာ (၅) ခု ရှိတယ်။

၁။ ပျော်ရွင်ခြင်း

၂။ ကျန်းမာခြင်း

၃။ မိသားစု

၄။ လွတ်လပ်ခြင်း

၅။ မိတ်ဆွေရှိခြင်း

ဒီ တန်ဖိုးကြီးတဲ့အရာ တွေကို ပိုင်ဆိုင်ဖို့အတွက် အဓိက လိုအပ်ချက် (၄) ချက်ရှိတယ်။ F.R.E.E လို့အလွယ်တကူ မှတ်နိုင်တယ်။

F ဆိုတာ Finance (ငွေကြေး )ကိုပြောတာ။ ငွေကြေးဆိုတာ အရာတော်တော်များများအတွက် လိုအပ်ချက်ရှိတယ်။ ငွေကြေးနဲ့ကျန်းမာရေးကို ဝယ်လို့မရပေမယ့် ကျန်းမာရေးမကောင်းလို့ငွေမရှိရင် သေဖို့ပဲရှိတယ်။ ပညာရေးအတွက် ငွေလိုတယ်။ စားဝတ်နေရေးအတွက် ငွေလိုတယ်။ နောက်ဆုံးမှာ လူတစ်ယောက်ရဲ့လွတ်လပ်မှုအတွက် ငွေ ဆိုတာလိုအပ်တယ်။

R ဆိုတာ Ritual (နေ့စဉ်လုပ်တဲ့အလုပ်) ကိုပြောတာ။ ကျွန်တော်တို့ဒီနေ့ဖြစ်နေတဲ့အရာအားလုံးနဲ့ ဒီနေ့ရ နေတဲ့အရာအားလုံးက နေ့စဉ်လုပ်တဲ့အကျင့် တွေကနေဖြစ်လာတာ။ အကျင့် ဆိုတာ ဘ၀ ကို ပြဌန်းတယ်။ အကျင့်ကောင်းရင် ဘဝကောင်းတယ်။ အကျင့်မကောင်းရင် ဘ၀ ဆိုးရော။ စဉ်းစားတာတောင် အကျင့် ရှိတယ်။ စိတ်ညစ်စရာတွေကိုပဲ တွေးတတ်တဲ့ အကျင့် ဆိုတာ ရှိတယ်။ အလကားနေရင်းကို စိတ်ညစ်နေတာ.. အဲဒါအကျင့် ကြောင့်ပဲ။ ဒီနေ့ စပြီး .. လုပ်ကျင့် ၊ တွေးကျင့် တွေကို ပြင်ပါ။ အကျင့်ကောင်းအတွက် နေ့စဉ် အလုပ် နဲ့ပျိုးထောင်ပါ။

E ဆိုတာ Energy (အားအင်) ကိုပြောတာ။ ကျန်းမာရေးကောင်းတဲ့လူတစ်ယောက်က အားအင်တွေပြည့်နေတတ်ပြီး ၊ ကျန်းမာရေးမကောင်းရင် အားအင်မရှိ ဘာမှမလုပ်ချင်ဖြစ်နေတတ်တယ်။ အားအင်ဆိုတာ ကျန်းမာရေးတစ်ခုတည်းတော့မဟုတ်ဘူး။ မဖျားတာ ဟာ ကျန်းမာရေးကောင်းတယ်လို့လဲ ပြောလို့မရဘူး။ အားအင်ဆိုတာ ကိုယ်ခန္ခာအားအင် ၊ စိတ်ခန္ခာအားအင်၊ ခံစားမှုအားအင်၊ ယုံကြည်မှု အားအင် ဆိုပြီးတော့ (၄) မျိုးရှိတယ်။ အဲဒီတော့ ကိုယ်ခန္ခာကျန်းမာရေးအတွက်လုပ်ရသလို စိတ်ကျန်းမာရေသန်စွမ်းရေးအတွက်လဲ စာတွေဖတ်ရတယ်။ အဲဒီလိုပဲ ခံစားမှု ကျန်းမာရေးအတွက် လေ့ကျင့်ရသလို၊ ယုံကြည်မှုကျန်းမာရေးအတွက်တည်ဆောက်ရပြန်တယ်။ Energy ဆိုတာ သက်ရှိတွေအားလုံးရဲ့ဖြစ်တည်မှု အကြောင်းရင်းလို့တောင်ပြောလို့ရတယ်။

အားအင်ပြည့်ဖြိုးတက်ကြွနေရင် အလုပ်တစ်ခုက တစ်နာရီ တည်းနဲ့ ပြီးမြောက်နိုင်ပေမယ့် အားအင်မရှိလုပ်ချင်ကိုင်ချင်စိတ်မရှိဖြစ်နေရင် ၂၄ နာရီလဲ မပြီးဖြစ်နေတတ်တယ်။ ဒါကြောင့် ပညာရှင်တွေက အချိန်ကို စီမံခန့်ခွဲမယ့်အစား အားအင် ကို စီမံခန့်ခွဲပါလို့ပြောတာပေါ့။

E ဆိုတာ Empathy ( ကိုယ်ချင်းစာစိတ်) ကိုပြောတာ။ ကိုယ်ချင်းစာတရားကြီးမားတဲ့သူဆိုတာ မိတ်ဆွေပေါများတော့တာပဲ။ ကိုယ်ချင်းစာစိတ်နဲ့မိတ်ဆွေတွေကို ကူညီတယ်၊ ကိုယ်ချင်းစာစိတ်နဲ့မိတ်ဆွေတွေကို ပြောတယ်။ ကိုယ်ချင်းစာစိတ်ရှိတဲ့သူက ကိုယ်ကျင့်တရား ပါကောင်းလာတယ်။ မဟုတ်တာမလုပ်ဘူး၊ မပြောဘူး။ ယုံကြည်ချက်တစ်ခု ခံယူချက်တစ်ခုနဲ့အသက်ရှင်တယ်။

ဒီ FREE ဆိုတဲ့ အချက် (4)ချက် ကို လက်ကိုင်ထားပြိး တန်ဖိုးကြီးတဲ့အရာတွေကို တန်ဖိုးထားတတ်ဖို့လိုတယ်။

ဘဝမှာ တန်ဖိုးကြီးတဲ့အရာ (၅) ခု စလုံးကို တန်ဖိုးထားစေချင်တယ်။

တန်ဖိုးကြီးတာတွေ ကို တန်ဖိုးမထားရင်.. တန်ဖိုးမရှိတာတွေ အတွက် တန်ဖိုးကြီးစွာပေးဆပ်ရလေ့ရှိပါတယ် ။

✅၁။ ပျော်ရွင်စွာနေရခြင်း ကို တန်ဖိုးထားစေချင်ပါတယ်။

✅၂။ ကျန်းမာ နေခြင်း ကို တန်ဖိုးထားစေချင်ပါတယ်။

✅ ၃။ မိသားစု နှင့်အတူရှိနေခြင်းကို တန်ဖိုးထားစေချင်ပါတယ်။

✅ ၄။ လွတ်လပ်ခြင်း ကို တန်ဖိုးထားစေချင်ပါတယ်။

✅ ၅။ မိတ်ဆွေရှိခြင်း ကို တန်ဖိုးထားစေချင်ပါတယ်။

တန်ဖိုး ဆိုတာ မသိ တဲ့ သူတွေအတွက် တန်ဖိုး မရှိပါဘူး။

တန်ဖိုးသိတဲ့သူတွေအတွက်ပဲ တန်ဖိုးဆိုတာ ရှိပါတယ်။

တန်ဖိုးရှိတာသိပြီးရင် တန်ဖိုးကြီးအောင်လုပ်ဖို့ပါပဲ။

ကျွန်တော်လဲ ကြိုးစားနေဆဲပါ။

သင်္ကြန်တွင်းမှာ ကျွန်တော် တန်ဖိုးထားသော အတွေးအခေါ်ကောင်းများကို မျှဝေလိုက်ရပါတယ်ခင်ဗျာ။

အားလုံးပဲ သင်္ကြန်မှာ ပျော်ရွင်ကြပါစေ။ ။

#မာသင်

Related Articles

သမားရိုးကျကိုကန့်လန့်တိုက်ခြင်း

နားကြပ် ဖြင့် သမားရိုးကျကို ကန့်လန့်တိုက်ခြင်း ဈေးကွက်မှာ ရှိတဲ့ နားကြပ်တိုင်းလိုလိုက အမည်းရောင်ဖြစ်နေချိန်တုန်းက Apple ကုမ္မဏီကနေ အဖြူရောင်ကြိုးနဲ့နားကြပ်တွေထွက်လာတာ မှတ်မိသေးတယ်။ အဖြူရောင် နားကြပ်တပ်ထားတော့ လူတွေ သတိထားမိတာပေါ့။ အနည်းဆုံးတော့ စက္ကန့်(၃၀) လောက် ကြည့်မိတာပေါ့။ နည်းပညာလဲကောင်းသလို၊ ဒီဇိုင်းကလဲ လှတာကြောင့် သတိထားမိနိုင်တဲ့စက္ကန့်ပိုင်းပဲလေ။ တကယ်တော့…

အနာဂတ်ကိုလောင်းကြေးထပ်ခြင်း

စီးပွားရေးလုပ်ငန်း တိုင်းက အနာဂတ်ပေါ် လောင်းကြေးထပ်တာပါပဲ။ ကိုယ်စတင်လိုက်တဲ့ လုပ်ငန်းတစ်ခု ..အလုပ်ဖြစ်မယ် မဖြစ်ဘူး ဆိုတာ မသေချာပေမယ့် ကိုယ့်မှာ ရှိတဲ့ ငွေကြေးနဲ့အချိန်ကို လောင်းကြေးထပ်လိုက်ရတယ်။ လူအချို့အတွက် အလုပ်ထွက်ပြီး အလုပ်အကိုင် တစ်ခု ကို လောင်းကြေးထပ်လိုက်ရတယ်။ လူအချို့အတွက် မိသားစု အချိန်တွေ ကို လောင်းကြေးထပ်လိုက်ရတယ်။…

ကြီးပွားချမ်းသာကြပါစေ

“ကြီးပွား ချမ်းသာ” လို့ ပြောကြတယ်။ စကားလုံးတွေက ရှင်းတယ်။ မကြီး နိုင်၊ မပွားနိုင်ရင် .. မချမ်းသာနိုင်ဘူး။ ကြီး နိုင်ရမယ်ဆိုတာ… လုပ်ငန်းတစ်ခုက ကြီးလာအောင် ဆိုတာ Scalable ဖြစ်အောင်လုပ်နိုင်တာကိုပြောတာ။ ကြီးလာအောင်ဆိုတာ သက်ရောက်မှု (impact) အကြီးအသေးကို ဆိုလိုတာဖြစ်တယ်။ အချို့ လုပ်ငန်းတွေက…

စီးပွားရေးလား၊ပြိုင်ပွဲလား?

စီးပွားရေးဆိုတာ ပြိုင်ပွဲမဟုတ်ဘူး။ A ကနေ B ဘယ်သူအရင်ရောက်အောင်ပြေးနိုင်သလဲ ဆိုတာထက်.. ပြေးလမ်းပေါ်မှာ ဘယ်လောက်ကြာကြာပြေးနိုင်သလဲ ဆိုတာ ပိုအရေးကြီးတယ်။ ပြိုင်ပွဲ ဆိုရင် .. ပွဲချိန်ပြီးသွားရင် ပွဲရပ်သွားတယ်၊ ဆက်ပြိုင်ချင်လို့မရတော့ဘူး။ စီးပွားရေး ဈေးကွက်မှာ ပွဲချိန်ဆိုတာ မရှိဘူး.. ပွဲတွေဆက်နေတယ်၊ ကိုယ်မရှိရင်နောက်တစ်ယောက် ပွဲထဲကို ဆက်ဝင်လာတယ်။…

ဒိုင်ယာရီရေးပါ

ဒိုင်ယာရီရေးပါ.. နေ့စဉ် ဘဝအဖြစ်အပျက်တွေ၊ ခံစားချက် တွေကို မှတ်တမ်းတင်ထားပါ။ နေ့စဉ် တိုးတက်မှု သေးသေးမွှားမွှားလေးတွေအားလုံးကို ချရေးမှတ်တမ်းတင်ထားပါ။ ဘဝဆိုတာ တန်ဖိုးရှိတယ် လို့ယုံကြည်ရင် .. တန်းဖိုးရှိတဲ့ဘ၀ ကို မှတ်တမ်းတင်သိမ်းဆည်းထားရမယ်။ အစမှာတော့…ချရေးထားတဲ့ စာတိုပေစ၊ နည်းလမ်းတို၊နည်းလမ်းစ တွေက တန်ဖိုးမရှိဘူးထင်ရပေမယ့်… တစ်နေ့မှာ …အဲဒီ အကြွင်းအကျန်…

Seraphinite AcceleratorOptimized by Seraphinite Accelerator
Turns on site high speed to be attractive for people and search engines.