စီးပွားရေး ဒိုင်ယာရီ ( Dec 27,2018)

marthin
multi-tasking, efficiency, manager

စီးပွားရေး ဒိုင်ယာရီ ( Dec 27,2018)


ဒီနေ့ employee first, customer second ” ဆိုတဲ့ စီးပွားရေး စာအုပ်တစ်အုပ်ဖတ်နေရင်း စိတ်ဝင်စားစရာကောင်းတဲ့နည်းလမ်းလေးတစ်ခုကို တွေ့မိပါတယ်။
Smart Service Desk ဆိုတဲ့SSD system ဖြစ်ပါတယ်။
ဒီ system ကို မပြောခင် .. နောက်ကွယ်က အဓိက အယူအဆအတွေးအခေါ်ကို အရင်ပြောပါမယ်။
လုပ်ငန်းရှင်များပြောနေကြတဲ့ “customer is always right” လို့ဆိုတဲ့ စားသုံးသူ အမြဲမှန်ခြင်း အယူအဆ၊ ပြီးတော့ “customer first” ဆိုတဲ့စားသုံးသူသည်သာ ပထမ ဆိုတဲ့အတွေးအခေါ် ကို ပြောင်းပြန်လှန်ပြီး … ” employee first, customer second” ဆိုတဲ့ ကိုယ့်လုပ်ငန်းရဲ့ဝန်ထမ်းတွေသည်သာ ပထမ၊ စားသုံးသူ ဒုတိယ ဆိုတဲ့အမြင်သစ်တစ်ခုကနေ တင်ပြထားပါတယ်။
လုပ်ငန်းအဖွဲ့အစည်းတစ်ခုက စာသုံးသူတွေ အဆင်ပြေစေဖို့အာရုံထားပြီးကိုယ်ဝန်ထမ်းတွေ တွန်းမောင်းနေတဲ့အဖွဲ့အစည်းတစ်ခု ကနေ ကိုယ့်ဝန်ထမ်းတွေ အဆင်ပြေစေဖို့ ဦးစားပေးအာရုံထားမောင်းနှင်နေတဲ့အဖွဲ့အစည်းတစ်ခုအဖြစ် တည်ဆောက်နိုင်တဲ့နည်းလမ်းတွေကို တင်ပြထားပါတယ်။
ပျော်ရွင်တဲ့ဝန်းထမ်းတွေကတဆင့် …
ပျော်ရွင်တဲ့စားသုံးသူ တွေ ရပါမယ်။
ပျော်ရွင်တဲ့စားသုံးသူတွေက တဆင့်…
လုပ်ငန်းသည် အောင်မြင်နိုင်ပါတယ်။
ဒါကြောင့် လုပ်ငန်းအောင်မြင်မှုသည် …
ကိုင်းဖျားက အသီးသီးတာမှန်ပေမယ့် ..
အရင်းအမြစ် ကို ရေလောင်းရပါမယ်။
အသီး ဆိုတဲ့လုပ်ငန်းရဲ့ရလဒ်သည် ကိုင်းဖျားဆိုတဲ့ စားသုံးသူကလာတယ်ဆိုတာမှန်ပေမယ့်အရင်းအမြစ် တစ်ခုဖြစ်တဲ့ ကိုယ့်ဝန်ထမ်းကို ရေလောင်းရပါမယ်။
ကိုင်းဖျားကိုဂရုစိုက်တာသည် ရေတိုမှာ အလုပ်ဖြစ်ပေမယ့် ..
ရေရှည်မှာ အရင်းအမြစ်ပေါ်မှာ မူတည်ပါတယ်။
ဒါကြောင့် …
ဒီ ရှူဒေါင့်တစ်ခုဖြစ်တဲ့ ကိုယ့်ဝန်ထမ်းသည်သာ ပထမ ဆိုတဲ့အတွေးအခေါ်ကို လက်ခံတဲ့ လုပ်ငန်းရှင်များအတွက်…
ပြောယုံနဲ့မရ၊ ကိုယ့်လုပ်ငန်းအဖွဲ့အစည်းကို အတွင်းရော၊အပြင်ပါ ပြောင်းလဲရပါမယ်။
ထိတွေ့ကိုင်တွယ် မြင်နိုင်တဲ့လုပ်ငန်းခွင် ပတ်ဝန်းကျင်၊ အပြင်အဆင် တွေကို ဝန်ထမ်းအသားပေးအဆင်ပြေအောင် ပြင်ဆင်ထားခြင်း ။
မထိတွေ့နိုင်၊ မကိုင်တွယ်မမြင်နိုင်တဲ့ လုပ်ငန်းလည်ပတ်မှုဆိုင်ရာ system များ ကိုလဲ ဝန်ထမ်းအဆင်ပြေစေရန်စီစဉ်ထားပေးခြင်းဖြစ်ပါတယ်။
အဲဒီ နှစ်ခု မှာ SSD ဆိုတာ ထိတွေ့၊ကိုင်တွယ်မမြင်နိုင်တဲ့ပြင်ဆင်၊ ပြောင်းလဲမှု တစ်ခုပဲဖြစ်ပါတယ်။
ဝန်ထမ်းများ ပြသနာ တစ်စုံတရာ (သို့) သတင်းအချက်အလက်တစ်စုံတရာလိုအပ်ပါက e-ticket တစ်ခု ဖွင့်ရပါတယ်။ ticket မှာ ပြသနာတစ်ရပ်ရဲ့အသေးစိတ်အချက်အလက်ကို ရေးသားရပါတယ်။ ဝန်ထမ်းတိုင်းဖွင့်နိုင်ပြီး ပြသနာကို နောက်ဆုံးထားဖြေရှင်းရမယ့် deadline ပါပါတယ်။ ဌာနတစ်ခုလုံးတွေ့မြင်နိုင်ပြီး သက်ဆိုင်ရာ ဌာနက ဖြေရှင်းပေးရပါတယ်။ နောက်ဆုံး ဖြေရှင်းချက်ကို ကျေနပ်မှ ဖွင့်ထားတဲ့ဝန်ထမ်းက ပြန်ပိတ်ပေးနိုင်ပါတယ်။ မပိတ်ရင် auto သက်ဆိုင်ရာ ဌာနအကြီးအကဲ တဆင့်ချင်းစီကို တက်သွားပါတယ်။
အစပထမ မှာတော့ .. ဖွင့်ထားတဲ့ticket တွေ များမှာ ဖြစ်ပေမယ့်လို့တဖြေးဖြေးနဲ့နည်းသွားမှာ ဖြစ်ပြီး ဝန်ထမ်းများရဲ့အလိုဆန္ဒကို ပွင့်ပွင့်လင်းလင်း သိမြင်လာပြီး လုပ်ငန်းခွင်ကြား၊ ဝန်ထမ်းနဲ့အထက်အရာရှိကြား ပွတ်တိုက်မှုများကို များစွာဖြေလျော့ပေးနိုင်စေမယ့် နည်းလမ်းဖြစ်ပါတယ်။
(မှတ်ချက်။ ။ အသေးစိတ်ကို စာအုပ်မှာ ဖတ်နိုင်ပါတယ်။ စာအုပ်အမည်က ” employee first, customer second ” ဖြစ်ပါတယ်။ အင်္ဂလိပ်စာအုပ်ပါ။ ရေးသူ vineet Nayar ဖြစ်ပါတယ်။ )

မာသင်