စီးပွားရေးလုပ်ရင်း ရှာနေသော ငွေကြေး (၃) မျိုး

marthin
conclusion of the contract, handshake, trade

စီးပွားရေးလုပ်ရင်း ရှာနေသော ငွေကြေး (၃) မျိုး
+++++++++++++++++++
စီးပွားရေးလုပ်နေတာ ငွေကြေးတစ်ခုတည်းရှာနေတာမဟုတ်ပါ။
အကြောင်းအရာ (၃) မျိုးကို ရှာဖွေနေခြင်းဖြစ်ပါတယ်။
၁။ အချိန်
၂။ အရင်းအမြစ်များ (ငွေကြေး..စသည်)
၃။ ရွေးချယ်စရာအခွင့်အလမ်း
ဒီ (၃) မျိုးဟာ ချိန်ခွင်ရဲ့ဟိုဘက်ဒီဘက်လိုပဲ ပြောင်းလဲ ရွေးလျားနေပါတယ်။
ကလေးဘဝ


ငယ်ရွယ်စဉ်မှာ ကျွန်တော်တို့အများဆုံးရှိတာ အချိန်ပါ။ အရင်းအမြစ် ဆိုတဲ့ထိတွေ့ကိုင်တွယ်လို့ရတဲ့ပိုင်ဆိုင်မှု ( ရွေ၊ ငွေ၊ အိမ်..အစရှိသည်) တို့မရှိသလောက်ဖြစ်ပြီး ၊ မိဘ ကျွေးရာစား၊ ထားရာနေ ၊ ရွေးချယ်စရာမခွင့်အလမ်း မရှိသလောက်ဖြစ်သည်။
လူကြီးဘဝ


ကြီးပြင်းလာပြီး ဘ၀ အစိတ်အပိုင်း အချို့ကုန်ဆုံးမှုနှင့်အတူ .. အရင်းအမြစ် အချို့ပိုင်ဆိုင်လာခဲ့ကြသည်။ အရင်းအမြစ်နှင့် အတူ ရွေးချယ်စရာ အခွင့်အလမ်း အချို့ပိုင်ဆိုင်လာခဲ့ကြသည်။ အချို့အတွက် ရွေးချယ်စရာအခွင့်အလမ်းသိပ်များများစားစားမရှိ၊ မနက် အိပ်ယာထလျင် မဖြစ်မနေ အလုပ်သွားကြရသည်။ မနက် ၉ နာရီမှ ညနေ ၅ နာရီ ထိ အလုပ်ခွင်ထဲမှာ နေပေးကြရသည်။ အချို့အတွက် တော့ .. ရွေးချယ်စရာရှိသည်။ အလုပ်သွားစရာမလို၊ မိသားစု နှင့် အတူခရီးထွက်နိုင်သည်၊ ဒါမှမဟုတ် အိမ်မှာပဲ စာဖတ်နေနိုင်သည်။ သို့ပေမယ့် .. အားလုံး သည် အချိန်ဆိုသောအရာ တဖြေးဖြေး ရှားပါးလာသည်။
နေဝင်ချိန်ဘဝ


အသက်အရွယ်ကြီးရင့်လာပြီး ဘဝနေဝင်ချိန် နီးကပ်လာချိန်မှာတော့ … အရင်းအမြစ် အနည်းငယ်၊ ရွေးချယ်စရာအခွင့်အလမ်း အနည်းငယ် နှင့် အချိန်အနည်းငယ် သာ ကျန်တော့သည်။
သင် …စီးပွားရေးလုပ်နေတာ ( ကြိုးစားနေတာ ….)
ဘယ်အရာကို ရှာ နေတာလဲ ?
ငွေကြေးတစ်ခု တည်း ရှာနေတာ ဆိုရင် မှားပါတယ်။
သေချာတာတစ်ခု က ကျွန်တော် တို့အိပ်ယာထဲလဲ နေချိန်မှာ
ဘယ်သူကမှ အလုပ်ပို မလုပ်ခဲ့လို့နောင်တ မရဘူး၊
ပိုက်ဆံငွေကြေးအများကြီး မရှာနိုင်ခဲ့လို့နောင်တမရဘူး၊
ရတဲ့နောင်တ တွေ ဆိုတာ …
မိသားစု နဲ့အချိန်
မိတ်ဆွေတွေ နဲ့အချိန်
ချစ်ခင်ရသူတွေ နဲ့အချိန်
ဒီလို အချိန်တွေကို…. ရွေးချယ်စရာ အခွင့်အလမ်း တစ်ခု အနေနဲ့အသုံးမပြု နိုင်ခဲ့ ခြင်း ဆိုတဲ့နောင်တပဲ ဖြစ်လိမ့်မယ်။
ဒါကြောင့် …..
စီးပွားရေးတွေ လုပ်ပြီး ငွေရှာနေတဲ့အကြောင်းရင်းက၊
အချိန် နဲ့ ရွေးချယ်စရာအခွင့်အလမ်း ပိုရဖို့ ဆိုရင်…..
လက်ရှိမှာ အချိန် နဲ့ရွေးချယ်စရာ အခွင့်အလမ်းတွေ ရနေလျက်နဲ့
ငွေကြေးနောက်လိုက်ပြီး ပြောင်းပြန် မလုပ်မိစေနဲ့။
အရေးကြီးတယ်။
ပြောင်းပြန် မလုပ်မိစေနဲ့။
ဘာဖြစ်လို့လဲ ဆိုတော့….
ပြန်တည့်ဖို့အချိန် မရှိတော့ဘူးလေ….။ ။
တခွန်းသောစကား


” သင့် ဘ၀ အကောင်းအဆိုး ( အရည်အသွေး) ကို ငွေကြေး နဲ့တိုင်းတာနေတယ်ဆိုရင်၊
လိုတိုရှင်းပြောပါရစေ၊
သင့် ဘ၀ ကံဆိုးနေတာမဟုတ်ဘူး၊
သင် … တိုင်းတဲ့ပေတံ မှားနေတာ။”

မာသင်

စီးပွားရေး ဒိုင်ယာရီ

Dec 6,2018